Олимпиада және Паралимпия ойындары 2024 біріншілігі үшін сынға түсетін Team Visa атлеттерімен танысыңыз
Ардан Ғалымұлы
Голбол, Қазақстан
Ардан — ниет, ынта және өзіне сену мақсатқа жету жолындағы кез келген кедергіні қалай жоя алатынының жарқын үлгісі.
Ардан тумысынан зағип және оның бала кезден қоғаммен араласуына, әлеммен байланыс орнатуына бірден бір көмек болған - спорт. Кішкентай Ардан өзінің спорттық жолын мектептегі жүзу бөлімінен бастады. Бірақ уақыт өте келе бассейнді спортзалға ауыстырды, ал жүзу бас киімінің орнына күңгірт линзалары бар арнайы қорғаныс маскасы пайда болды — осылайша Арданның спорттық өміріне голбол келді!
Голбол - зағип жандарға арналған арнайы спорт түрі, онда үш адамнан тұратын команда қарсыластың қақпасына үрленбеген қоңыраулы допты лақтыруы керек. Егер басқа елдерде голбол жеке спорт түрі ретінде 50-ші жылдары пайда болса, Қазақстан үшін біздің кеңістікте 2016 жылы ғана пайда болған жаңа спорт түрі. Ал Ардан алғашқылардың бірі болып қызығушылық танытып, оны байқап көруді шешті.
Кәдімгі мектеп спорт залында қажетті құрал-жабдықтарсыз жаттығудан бастап, Ардан аздаған, бірақ нық қадамдармен өзінің спорттық шеберлігін шыңдады және голболдан Қазақстанның бірінші құрамасының құрамына енді. Ал енді Париж 2024 Паралимпиада ойындарында Team Visa құрамында Қазақстанның намысын қорғамақ! Арданның ауыр, бірақ керемет әрі шабыттандыратын жолы бүкіл әлем спортшыларына қажырлы еңбек және спортпен күнделікті беріле айналысудың арқасында кез келген қиындықты жеңіп, мақсатқа жетуге болатынын көрсетеді.