Эквайермен өңдеу туралы келісімшартқа қол қою алдында мыналарды қарастырыңыз:
Бизнес туралы негізгі ақпарат: Аты, бизнес түрі, мекенжай, телефон нөмірі және негізі қаланған күні.
Өңдеу туралы ақпарат: Қанша өңдейтініңізді және қалай өңдейтініңізді (бетпе-бет, онлайн, т.б.) есептеңіз.
Идентификациялық нөмірлер: Федералдық салық идентификаторы (сізде бар болса) және әлеуметтік қауіпсіздік нөміріңіз.
Банк туралы ақпарат: Коммерциялық банк шоты және бағытттау нөмірі:
Әдетте саудагерлер эквайерге саудагердің жеңілдігін төлейді. Бұл осы екі тарап арасында келісіледі. Саудагердің эквайері қамтамасыз ететін өңдеу қызметтерінің құны саудагердің жеңілдік мөлшерлемесіне қосылады. Бұл әдетте әр транзакциядағы пайыздық мөлшерлеме болады.
Visa компаниясы алаяқтықтан, жеке деректердің ұрлануынан қорғаудың бірнеше деңгейін және алаяқтық транзакциялар үшін жауапкершілікті қамтамасыз етеді.
Онлайн транзакциялар жоғары деңгейлі шифрлау (SSL) технологиясымен, Verified by Visa бағдарламасымен әрі эмитенттердің, саудагерлердің және қызмет көрсетушілердің Visa компаниясының саладағы жетекші Cardholder Information Security Program (Карта иелерінің ақпаратының қауіпсіздігі бағдарламасы) (CISP) талаптарына сәйкестігімен қорғалады.
Сондай-ақ Visa жауапкершілік алмау саясатын ұсынады, яғни, карта иелері алаяқтық төлемдерге жауапты болмайды.
Visa-ның жауапкершілік алмау саясаты АҚШ-та шығарылған карталарды қамтиды және банкоматтағы транзакцияларға, PIN коды қолданылатын немесе Visa өңдемейтін басқа транзакцияларға, я болмаса коммерциялық карталармен өткізілетін белгілі бір транзакцияларға қатысты емес. Карта иесі кез келген рұқсатсыз пайдалану туралы банк карталарын шығарушыға дереу хабарлауы керек.
Visa арқылы шоттарға төлемдерді қабылдау төленбеген дебиторлық қарызды төмендетуі, қолма қол қаражат қозғалысын жақсартуы әрі инкассация шығындарын және мәселелі қарыздарды азайтуы мүмкін. Сіз транзакцияның толық сомасын аласыз. Көбінесе бұл пошта арқылы төлемнен тезірек болады әрі жалған чектер немесе кешігу қаупі жоқ.
Visa компаниясы мобильді терминалдың артықшылықтарын көрсетуге көмектесу үшін дайын маркетингтік материалдарды әзірледі. Бұл материалдар бейне мәлімдемелерді, веб-беттерді, нұсқаулықтарды және т.б. қамтиды.
Саудагерлер бизнес иелеріне арнайы жасалған Visa төлемдер өнімдерінің, соның ішінде кредит карталарының және дебеттік карталардың артықшылығын пайдалана алады.
Сондай-ақ Visa брендтік өнімдерін пайдалана алу үшін қаржылық мекемеде кепілсіз кредит желісіне өтінім бере аласыз. Visa Business кредит желісі қайталанатын немесе «мәңгілік жасыл» желі болып табылатындықтан, дәстүрлі банктің кредит желісіндегідей әр жылы қайтадан өтінім беру керек емес.